Во текот на вчерашниот ден недела 23 април во државата биле спроведени акциски контроли за почитување на сообраќајните прописи и при тоа биле изречени 820 санкции, од кои 1/4, или 213 санкции, се констатирани на подрачјето на Скопје..
Најревносни почитувачи на сообраќајните правила од сите контролирани региони (Скопје, Битола, Штип, Сгрумица, Тетово и Гостивар) се гевгеличани.
Во сообраќајниот извештај за вчерашниот ден стои дека во периодот на акциската контрола вчера, од 11:00 до 17:00 часот во Гевгелија биле санкционирани само 6 возачи за пречекорување на дозволената брзина на возење.
Во истиот период биле регистрирани се’ вкупно 67 пречекорувања на брзината на подрачјето на СВР Струмица каде припаѓа и ОВР Гевгелија, од кои 26 на подрачје на Радовиш, 21 на подрачје на Струмица, 14 на подрачје на Валандово (и 6 на подрачјето на Гевгелија).
Произлегува дека гевгеличани се 4,5 пати сообраќајно покултурни од радовишани, четирипати покултурни од струмичани, 2,5 пати сообраќајно покултурни и подоследни од валандовчани.
Сите прекршоци биле соодветно санкционирани од страна на полициските службеници кон прекршителите.
