Денеска во посета на Граничен премин „Богородица“ беше директорот на Царинска управа на РСМ Стефан Богоев и неговиот заменик Муарем Асани.
Тој во разговор со надлежните на овој премин ја посочи потребата од модернизација на објектот и подобрување на условите за протокот на стока и патници. Повод за тоа се речиси редовните гужви за време на празници и викенди, а особено во годишните одмори со зголемена фреквенција на патници и возила, а особено важно е и следење на светските стандарди на патот кон интеграција со Европската унија..
– „Ова е еден од најфреквентните гранични премини, каде што проток на патници значително се зголеменува за празници и во сезоната на летни одмори, при што сите ленти и на влез и на излез непречено функционираат.
Во следниот период приоритет ќе биде модернизација и подобрување на инфраструктурата на преминот во рамки на надлежностите на Царинската управа и изнаоѓање на решенија за надминување на предизвиците со кои се соочуваме“ истакна при средбата со царинските работници на „Богородица“, директорот на ЦУ Богоев.
За време на посетата на ГП Богородица тој оствари средба со и со царинските службеници, каде што истакна дека во следниот период во фокус на заложби на ЦУ ќе биде посветеноста на борбата против нелегалната трговија и корупцијата, како и соработката со сите гранични институции со цел олеснување на трговијата и забрзување на протокот.
– „Продолжуваме во насока на исполнување на целите во рамки на приоритетите на Царинската управа, со поддршка на Владата и меѓународните партнери, како и следење на светските стандарди на патот кон интеграција со Европската унија“ – истакнуваат од ЦУ.
