Со пригодна културно-уметничка програма синоќа беше одбележан патрониот празник на Општинското основно училиште „Климент Охридски“ во Мирвци.
Учесници во програмскиот дел беа членовите на училишните секции: литературна, музичка, драмска, а беа изведени и танцови настапи. Се во чест на патронотСв.Климент Охридски, ученик на светите браќа Кирил и Методиј, научник, писател,основач на Првиот Охридски универзитет и просветител на Словените.
Настанот се одржа во училиштето, а програмата ја проследија голем број гости, родители, претставници на локалната заедница и вработени.
Одбележувањто на патронот и 140 годишнината од организираната образовна дејност во Миравци продолжи и со спортски настани. Реализирана е спортска средба со ООУ “Страшо Пинџур ” – Јосифово.
Не е важно кој победи – важно е дека големиот просветител Климент Охридски отвори прозорец на описменувањето, знаењето, образованието, а училиштата се храмот на тоа богатство кое ги облагородува генерациите и зближува.
Школството во Миравци има длабоки корени-140 години.
Првото училиште било отворено во 1884 година, а прв учител бил Глигор Божинов. Наставата била организирана во самите куќи, како и во црквата. Доказ за тоа се пронајдените букварки „Алфивитарии“ на Кирил Пејчиновиќ, како и неговите „Огледало“ и „Евангелие“, на подрачјето на селото Миравци.
Во 1925 година, со голема помош на рускиот учител Трофим Сахненко, била изградена училишната зграда во која се изведувала настава до 1996 година, кога била подигната новата училишна зграда.
Во составот на училиштето влегуваат подрачните училишта: во Давидово, Милетково и
ПУ „Ѓорѓи Делев“ – Смоквица, сите подрачни училишта на македонски наставен јазик.
Честит патронат и нека е вековито делото и придобивката од работата на Св.Климент Охридски!
