Сообраќајот на државните патишта се одвива непречено во зимски услови по претежно влажни коловози.
Поради појава на магла се бележи намалена видливост до 50 метри во Демир Капија, информира АМСМ, во пладневниот извештај за состојбата на патиштата.
Намалена видливост поради појава на магла, од 50 до 100 метри има на патните правци Тетово – Скопје и Скопје – Велес, а забавено е одвивањето и на сообраќајот во главниот град. На Меѓународниот аеродорм Скопје, според информациите од аеродромската веб страница, најавени се доцнења за дел од летовите, но нема откажани.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
Во сила е законската обврска за задолжително поседување зимска опрема во возилата. лв/фото:МИА архива .
