На 21 декември, среда, точно во 22 часот и 36 минути, календарски настапува зимата.
Најстуденото време во годината ќе трае до 20 март 2023 година, што е точно 88 дена, 23 часа и 36 минути.
Според метеоролошките критериуми зимата започна на 1 декември 2022 година и ќе трае до 28 февруари 2023 година, а според климатолошките критериуми од 24 ноември 2022 година до 9 март 2023 година, период кога ги чувсствуваме зимските температурни влијанија.
Тоа значи дека летото трае во просек 109 дена, зимата 106 дена, пролетта 77 дена и есента 73 дена.
Еден ден пред својот официјален календарски почеток зимата со вечерашната температура на 1 степен под нулата, не’ потсетува дека конечно доаѓа.
На денот на почетокот на зимата, денот е најкраток, а ноќта е најдолга.
Денеска сонцето ќе изгрее во 06:51 часот, а ќе зајде во 16:04 часот.
Денот ќе трае 9 часа и 13 минути, а со заоѓањето на сонцето ќе настапи ноќта и ќе трае до утре изутрина, точно 14:47 часа.
За потсетување, 21 декември е 355-иот ден во 2022 година. Ова е проста година и има 365 дена. До крајот на годината има уште 11 денови.
