Територијалната противпожарна единица во Гевгелија во својот работен дневник за 2022 година има запишано 141 интервенции релизирано на подрачјето на општина Гевгелија и регионот на својата надежност Богданци и Дојран.
Од тоа 38 интервенции се во објекти, куќи, запалени оџаци, запалени шалт табли, и друго,
Најголемиот број на интервенции, вкупно 71, или 50% од вкупниот број интервенции на ТППЕ минатата година, се случиле на отворен опожарен терен. Најголеми опожарувања беа забележани во подрачјето на Фурка, кај Ѓавото и шумскиот појас околу Богданци од Погана се’ до Паљурци. Овде екипите на ТППЕ интензивно гаснеа три дена, а го контролираа од нова активација теренот со опожарените згаришта речиси цела недела.
ТППЕ интервенираше и во гаснење на запалени возила (10 случаи), технички интервенции над возила во сообраќајна несреќа (12 случаи) и уште 10 интервенции категоризирано во „останати интервенции“.
Извештајот за интервентните акции на ТППЕ Гевгелија за 2022 година укажува на намалување на бројот на пожарите и интервенциите споредено со 2021 година. Намалувањето изнесува 50 пожари помалку, односно 26%.
Најголемо е намалувањето кај пожарите на отворено, кои од 126 во 2021 се намалиле на 71 во 2022 година, што значи намалување за 43%.
- „Ова значи поголема одговорност на граѓаните во заштитата на објектите и јавниот простор од опожарувања“, изјави за GevgelijaNET.com командирот на ТППЕ Гевгелија, Игор Ризив..
Во тој контекст, од ТППЕ- Гевгелија, и поатаму го повторуваат апелот до граѓаните на претпазливост, особено со препораките да ги исчистат оџаците и да извршат проверка на исправноста на електричната инсталација и грејните тела, како би се заштителе од пожар. Покрај тоа, препорачливо е да не се оставаат сијаличките од новогодишните елки да горат преку целата ноќ, внимателно ракување со електричните апарати и да не се користат петарди во затворени простории.
Фото: Екипата на ТППЕ на денот на Богојавление со носителот на Чесниот крст, каде присуствуваа како професионална поддршка на настанот
