Министерството за транспорт и врски на Република Северна Македонија, согласно најавите, денеска ОБЈАВИ ОГЛАС за распределување на 52 социјални станови во општина Гевгелија во станбенa зградa во обаста Касарна.
Зградата е лоцираа на улицa „Ацо Шопов“ бр.47 во Гевгелија, има површина од 2.400 метри квадратни кои се изградени по Програмата за изградба, продажба и одржување на станбениот простор во сопственост на Република Северна Македонија, а согласно рамковниот договор за заем склучен меѓу Банката за развој при Советот на Европа и Република Северна Македонија
На Огласот можат да аплицираат жители на општина Гевгелија со поднесување Барање за добивање на социјален стан за користење под закуп, односно лицата кои се:
– државјанин на Република Северна Македонија;
– со постојано место на живеење во општината каде е изграден социјалниот стан (Гевгелија) и
– лицата да се без стан во лична сопственост, на брачниот другар и на полнолетните членови на неговото заедничко домаќинство на територијата на Република Северна Македонија.
Корисници на социјални станови може да бидат следните категории на граѓани кои се станбено необезбедени:
1. Деца без родители или родителска грижа – лица над 18 години кои до својата осумнаесетта година биле згрижени во институции и други облици за згрижување за деца без родители.
2. Корисници на правото на гарантирана минимална помош.
3. Лица погодени од елементарни-природни непогоди без разлика на правниот статус на нивните постојни (примарни) живеалишта.
4. Лица со попреченост и семејства со лица со попреченост.
5. Лица припадници на Ромската заедница социјално загрозени согласно Стратегијата за Ромите на Република Северна Македонија.
6. Самохрани родители со малолетни деца.
Потребната документација која лицата ја поднесуваат до ЈУ Меѓуопштински центар за социјална работа во Гевгелија треба да биде доставена заклучно со 20.03.2023 година.
– „Би ја искористил приликата да упатам апел до сите граѓаните кои ги исполнуваат условите да аплицираат до Центарот за социјални работи во Гевгелија. За оние кои не се во можност сами да ја комплетираат потребната документација, Центарот за социјални работи Гевгелија, ќе ја обезбедува потребната помош за обезбедување на целокупната документација согласно објавениот оглас. Грижата за најранлините категории граѓани е посебно изразена сега во време кога ни претстои најголемиот предизвик со оправување од енергетската и економската криза. Како Влада, остануваме силно посветени и оваа година во обезбедување на топол дом за најранливите семејства”, изјави министерот Бочварски од Министерството за транспорт и врски кој денеска го објави јавниот Оглас.
