Првиот повик со мобилен телефон бил упатен на 3 април 1973 година од инженерот и пронаоѓач Мартин Купер.
Почетокот на разговорот бил со зборовите „Поздрав“ и „Пријатно“ и одговорот од соговорникот со зборовите „Ајде пријатно“.
Овие поздрави во разговор со мобилен ги користиме и денеска, а изминатите половина век во однос на мобилната телефонија СЕ’ друго е сменето.
Првиот повик бил упатен на улиците на Њујорк. Мартин Кугер, тогаш 44 годишен пронаоѓач не сметал дека е ова финалната верзија на мобилни телефони, визионрски предвидувајќи ги сегашните смарт верзии. Тој бил доволно свесен дека ова е само почеток на револуцијата на мобилните телефони.
Првиот мобилен телефон имал тежина од еден килограм, бил голем колку една тула, а батериите му траеле само 25 минути.
Првиот мобилен уред во продажба се појавил дури во 80-те години, поради 10 годишната дилема на Федералната комисија за комуникации во САД да ги дистанцира радио каналите за да обезбеди конкуренција.
Денес мобилните телефони се општоприфатен начин на комуникација
Сепак, таткото на мобилните телефони е шокиран колку денешните генерации се опседнати со смартфоните. Мартин Купер денеска има 94 години и вели дека се чувствува лошо кога ќе види како некој го минува патот и наместо да внимава на сообраќајот гледа во телефонот. „Таквите личности не се свои“ вели тој.
Гледајќи наназад на изминатите 50 години, сепак, Купер во голема мера одобрува каде нè одведе телефонот. Самиот тој користи iPhone (а пред тоа користел Samsung), сака да го користи својот Apple Watch за да ја следи неговата пливачка активност и да ги поврзе слушните помагала со неговиот телефон. И Купер рече дека го гледа напредокот на технологијата како нето позитивен за општеството.
„Јас сум оптимист. Знам дека има недостатоци на мобилниот телефон. Имаме луѓе кои се зависни од тоа. Имаме луѓе кои шетаат по улица и зборуваат на своите мобилни телефони“, рече Купер. „Генерално, мислам дека мобилниот телефон го промени човештвото на подобро и тоа ќе продолжи и во иднина“.
