Традиционалната манифестација “Дојран Гурман фест” како и секогаш така и годинава изобилуваше со специјалитети од Дојранско, а во културната програма се изведе драмата “Маалска кавга” која им е добро позната на Дојранчани.
Драмата датира многу одамна, истата е преработена и дополнета според книгата на Ристо Тасев – “Дојране, ах мој Дојране”.
Во драмата се негува дојранскиот дијалект, и на еден смешен и шеговит начин е прикажан секојдневниот живот на дојранчани во минатото.
Несомнено, оваа драма е дел од богатата културна ризница со која општина Дојран се гордее.
Актерскиот двоец Кети Неделкоска и Ленче Илкова имаа посебниот придонес за драмата, кои беа во улоги на Мара и Љопа и ги разбудија спомените на Дојранчани од старите времиња.
„Гурман фест“ е традиционална гастрономски настан кое изобилува со богата трпеза изработена од вредните домаќинства на Дојран, каде се презентира тамошното кулинарско наследство со специјалитети од дојранско и неговото богато поднебје како и енергичната музичка култура која се негува на овие простори. Во музичкиот културен дел од програмата настапија „Распеани Дојранани“ и Благица Калева.
Настанот се одржа вчера вечер се одржа на градскиот пазар во Нов Дојран, под покровителство на општина Дојран. Домаќин на настанот е Здружението на жени – „Дојрана“ од Дојран.
