На денеска одржаните 35-ти Републички спортски игри на лица со телесен инвалидитет на Македонија членовите-спортисти од „Мобилност“ Гевгелија се здобија со ЧЕТИРИ медали.
Носител на ЗЛАТОТО е Никола Пеев од Стојаково во категоријата атлетски повеќебој мажи, класа 36-38,42-44.
СРЕБРО освои Благица Ѓоргиевска од Валандово која во категоријата атлетски повеќебој жени класа 54-57 освои ВТОТО, место во дражавна конкуренција и БРОНЗЕН медал, и освоено Трето место во истата категорија но во меѓународна конкуренција со натпреварувачи од Србија и Хрватска.
БРОНЗАТА во истата категорија Атлетски повеќебој ја освои Александар Талески од Дојран, во истата класа 36-38,42-44.
Кај женските натпреварувачки најуспешна беше Благица Ѓоргиевска од Валандово која стана носителка на два медала.
Другите спортисти учесници од шестчлениот тим на „Мобилност“ Гевгелија со своите резултати освоија директен пласман за следните игри, а тоа се однесува за Илчо Кангов, Горан Џелајков и Даниела Гошева Кангов
Тимот на Гевгелија се натпреваруваше во пинг понг, стрелаштво и Атлетика повеќебој со фрлање копје, ѓуле и диск.
На спортските терени во Атлетика настапија 61 натпреварувачи (20 жени и 41 мажи) членови на „Мобилност-Македонија“ од општните: Битола, Скопје, Штип, Куманово, Кратово, Дебар, Кочани, Велес, Кичево, Струга, Тетово, Свети Николе, Струмица, Радовиш, Гевгелија, но и натпреварувачи од Србија и Хрватска и тоа во две категории мажи од класата Ф 36-38, Ф 42-44 и Ф 52-57 и жени во класите Ф 37, Ф 42-44 и Ф 52-57.
Републичките спортски игри на лица со телесен инвалидитет годинава имаа меѓународен карактер со учеството на 15 натпреварувачи од Црна Гора, Србија и Хрватска.
Организатор на РСИ е Националниот сојуз на лица со телесен инвалидитет на Македонија. Натпреварите се одвиваа денеска на терените на Спортско рекреативниот центар „Билјанини извори“ во Охрид. Овде беа прогласени победниците и доделени наградите и медалите.
Им честитаме на носителите на медалите и на сите учесници!
