Кривичните пријави се поднесени до ОЈО Гевгелија, а се однесуваат поради „пречекорување на законските овластувања“ и тоа од страна на еден Гевгеличанец и еден жител на Богородица.
И двете кривични дела за кои се теретат сторителите се случиле во месец март 2020 година кога на територијата на државата важеше посебен режим на движење.
Во првата Кривична пријава е наведено следното:
ОВР Гевгелија поднесе кривична пријава против Р.А.(42) од Гевгелија, поради постоење основано сомнение за сторено кривично дело „злоупотреба на службена положба и овластување“.
Пријавениот, како одговорно лице во правно лице од Гевгелија, во три наврати извршил пречекорување на своите законски овластувања на начин што согласно Одлуката за забрана и посебен режим на движење на територијата на државата од 21.00 до 06.00 часот, со со цел спречување на ширење на заразната болест Ковид-19, на 26.03.2020 на три лица од Гевгелија им издал дозволи за движење за вршење на сменска и ноќна работа во пекарница и покрај тоа што тие не биле во работен однос во наведениот субјект.
Во втората Кривична пријава е наведено следното:
ОВР Гевгелија поднесе кривична пријава против Л.Б.(56) од с.Богородица, гевгелиско, поради постоење основано сомнение за сторено кривично дело „злоупотреба на службена положба и овластување“.
Пријавениот, во својство на одговорно лице во правно лице од с.Богородица, извршил пречекорување на своите законски овластувања на начин што согласно Одлуката за забрана и посебен режим на движење на територијата на државата, со цел спречување на ширење на заразната болест Ковид-19, на 30.03.2020 на лице од с.Богородица му издал дозвола за движење за вршење на сменска и ноќна работа во правното лице, иако лицето не било во работен однос во тој правен субјект, со што му овозможил издадената дозвола да може да ја користи без оправдани причини за други цели.
Надлежен за понатамошно постапување е Основното Јавно обвинителство во Гевгелија.
