Еколошкото здружение „Здрава Котлина“ – Струмица и Еколошкото здружение „Еко Долина“ – Ново Село, денеска организираа протест против рудникот Иловица-Штука во Струмица. Бројни граѓани од Струмица и околоната се придружија на протестот.
Гласно “Не” за рудникот на смртта, ова е пораката која денес стотици екологисти и граѓани ја испратија од протестната блокада во Струмица. Рудникот на смртта Иловица-Штука е зло кое мора да биде запрено, порачаа демонстрантите.
Организаторите ЗГ „Здрава котлина“ и „Еко Долина“ се обратија за поддршка за своите 4 (четири) барања до граѓанските организации, иницијативи и граѓани, кои се загрижени за јавниот интерес, здравјето и животната средина.
За еден ден добиена е поддршка од 41 граѓанска организација и 7 интелектуалци/професори. Претходно десетина организации дадоа поддршка на протестот.
Сроп за рудници, СТОП за Иливица! – беа барањата на граѓаните кои искажаа поддршка на денешниот протест во Струмица.
– „Рудник не сакаме!“ – скандираа граѓаните присутни на протестот:
Итно одземање на лиценцата за рудниците Иловиа и Штука, се побара од протестот одржан пред ТЦ „Глобал“ во центарот на Струмица.
Еден ден пред одржувањето на протестот поддршка пристигна и од Министерката за животна средина Каја Шукова, а денеска со своето присуство на протестот поддршка дадоа Шукова заедно со министеркатаа за труд и социјална политика Јована Тренчевска, како и пратеничките од ИЕ 4 од Гевгелија и Богданци.
Ваков масеовен протест против рудници во Струмица беше организиран 2020 година и тогаш Владата им ја одзеде концесијата на компанијата за експлоатација. Денеска протестите се обновија по објавата дека концесијата за еден рудник Штука се спои со концесијата на Иловица и проблемот се актуелизираше. Сепак, на речиси во „5 до 12 ч.“, владеачките претставници го слушнаа гласот на народот и порачаа дека нема да се дозволи плодниот струмички крај да се претвори во рударски.
На протестот имаше и земјоделци кои наместо транспаренти носеа од своите зрели плодови од струмичките ниви, со пораката „Ако има рудник, ќе нема здрава храна од нашите ниви“.
