Уредено е ново катче со реквизити за игри и забава на децате во Негорци. Ова е нова инвестиција на општина Гевгелија наменета за најмладите од ова населено место.
– „Набавени се нови реквизити за деца, како и урбана опрема за одмор и рекреација на возрасните. Детското игралиште ги исполнува сите стандарди за безбедноста на децата, за што е поставена мека подлога, покрај безбедните клацкалки, лулашки, куќа-лизгалки и клацкалки во форма на коњче“, велат од Општината.
Без реклама и сечење ленти дeцата од Негорци уште првиот ден ги испробаа реквизитите, останувајќи во паркот занесени во својата игра и во ноќните часови кога свежината на вечерта го овозможува тоа. Овде и возрасните придружници ќе можат да здивнат од топлите ноќи додека децата квалитетно го поминуваат слободното време со новите содржини во новото детско катче наменето за нив.
