На влез во Гевгелија вчера претпладне се случи тешка сообраќајна несреќа во која учесници се две патнички моторни возила со гевгелиски регистарски ознаки.
Двајца патници се тешко повредени, констатирани во Општа болница Гевгелија
Во полицискиот билтен стои наведено следното:
„На 21.08.2023 во 11:15 часот во Полициската станица Гевгелија било пријавено дека на надвозник од влез на Гевгелија кон булевар „Гевгелија“ се случила сообраќајна несреќа помеѓу патничко возило „Фолксваген“ со гевгелиски регистарски ознаки, управувано од Д.Д.(55) од село Богородица и патничко возило „Мерцедес“, управувано од М.Т.(35) од село Богородица, гевгелиско.
Во несреќата со тешки телесни повреди се здобиле двајца сопатници во патничкото возило „Фолксваген“, констатирани во Медицински центар Гевгелија“ – се вели во полицискиот извештај.
Увид на местото извршила екипа на Полициската станица Гевгелија.
