Наспроти Младинскиот дом во Прдејци деновиве е опремено и уредено ново урбано катче наменето за најмладите жители од ова населено место.
Новото детско игралиште има површина од 120 метри квадратни и овде се поставени детски реквизити на висококвалитетна гумирана подлога.
Оваа радост за дечињата е изградена со помош на проект со кој општина Гевгелија аплицираше пред Бирото за регионален развој наа Македонија од која институција им беа одобрени средства за уредување детски забавни паркови во населените места Негорци, Прдејци и Богородица. Покрај ова со свој удел учествуваше и Општина Гевгелија со одвоени средства од Буџетот на Општината за 2023. Негорци го доби своето ново катче за децата, Прдејци оваа недела, а во тек е реализацијата на детскиот парк во Богородица.
Децата, нашата радост и иднина заслужуваат весели денови и насмевки додека растат во игра со своите другарчиња. Така се учат на заедништво, другарство и социјализација.
Еве ги насмевките, уште првиот ден од пуштањето во функција на новиот детски парк во Прдејци.
