Успешна интервенција на ТППЕ Гевгелија во гаснењето на пожарот кај Богданци.
Вчера, четврток 24 август, во атарот на Богданци беше пријавен активен пожар на отврено. Пријавата е заведена во 13:45 часот во единицата на ТППЕ Гевгелија.
Професионалната противпожарна единица во Гевгелија веднаш одговори на повикот со испраќање на екипа за интервенција составена од три противпожарни возила и шест пожарникари.
Опожарен беше простор со ниско стеблеста шума вo Општина Богданци над брана „Паљурци“, со површина од 8 хектари. Во гаснењето учествуваа и 8 вработени од ШС „Кожуф“ Гевгелија.
Интервенцијата траеше се до 19 часот кога екипите се повлекоа од терен откако пожарот беше целосно ликвидиран.
– „Летните месеци кога вегенацијата е сува пожарите на отворено се често присутни. Од почетокот на годината заклучно со 31 јули на подрачјето на надлежност на ТППЕ Гевгелија имаме до сега интервенирано во гаснење на 41 пожар на отворено. Летната и сува сезона не е завршена и опасностите од пожари се уште се актуелни. За споредба во минатата 2022 во текот на целата година имавме 71 интервенции во гаснење пожар на отворен простор. Ги замолуваме граѓаните на внимателност и одговорност при престојо во природа“, – изјави за GevgelijaNet командирот на ТППЕ Гевгелија Игор Ризов.
Фото: Пожзр во атарот на Богданци/ З.Марков
