– „Одлуката на Второстепената комисија на Централниот регистар во Велес е неправосилна и има рок на жалба по која денеска Здружението на пензионери на Гевгелија. постапува соодветно пред надлежните институции во државата“, – известуваат денеска претставници на телата на Здружението на пензионери Гевгелија.
Тие ги демантираат наводите на претставникот на 12 члена група пензионери од Гевгелија дека одлуките донесени на Основачкото Собрание на ЗП Гевгелија се нестатутарни и незаконски.
- „Сите одлуки на оснивачкото Собрание се донесени согласно Статутот на ЗП Гевгелија и истите беа потврдени со упис во регистарот на Здруженија во Централниот регистар Велес. Во три наврати од ЦР-Велес ни’ бараа дополнителни податоци и документи за оснвачкото собрание кои ние уредно ги доставивме и постапивме според законската постапка која ја бараше Централниот регистар. Сега, истата институција ја иззема својата одлука и го враќа регистрираното правно лице во првобитната состојба“ – велат претставници на гевгелиското Здружение на пензионери.
– „Заради ваквите недоследности чувствуваме дека се повредени интересите на Здружението, сомнеж во нивоата на одлучување во ЦР поради што покренуваме соодветна правна постапка. Правата на пензионерите мора да бидат заштитени, тоа се нашите граѓани со децениски макотрпен минат труд кои не треба на ваков начин да бидат негирани“, – велат од Здружението на пензионери од Гевгелија.
Инаку, основачкото собрание на ЗП Гевгелија се одржа на 30 март годинава, а во мај новите раководни лица и органите на ЗП беа регистрирани во ЦР Велес. На 4 август годинава добиено е решение од жалбената постапка на 12 делегати на собрание пред ЦР. Постапката за правна завршница продолжува пред надлежните институции во државата.
