Селото Смоквица, оддалечено само 15 километри од центарот на Општината, Гевгелија има тренд на иселување, но жителите кои се овде имаат право на достоен живот и урбанистички уредено населено место кое ќе им ги укаже погодностите на нивното село.
Сместено е на надморска височина од 90 метри, во подножјето на Кожуф, во областа Бојмија. Заради својата распосланост на ридски терен сокаците се тесни и нема погодност за градежна механизација. Така овде деновиве направени се зафати за урбано уредување со бетонирање на малите улици и уличните краци.
Инвеститор на овој градежен зафат е Општина Гевгелија преку програмата за „Изградба и рехабилитација на улиците во општината“ која во локалниот Буџет за 2023 година има планирани средства од 21.450.000 денари.
![](https://gevgelijanet.com/wp-content/uploads/2023/09/Smokvica-crkva-750x1000.jpg)
До сега се направени такви градежни зафати во уличната инфраструктура во населените места Миравци, Петрово, Ново Конско, Мрзенци и Негорци, како и излетничките места Смрдлива Вода и Старо Конско.
Градоначалникот на општина Гевгелија, Андон Сарамандов, изврши увид на изградените улици и оствари средба со месното население во Смоквица истакнувајќи дека
– „Во наредниот период локалната самоуправа ќе продолжи со инфраструктурни зафати за изградба и на преостанатите улици во Смоквица, со цел, создавање подобри услови за граѓаните“.