По традиција, веќе осмата година по ред во Дојран се одржува Националното првенство во триатлон што го организира Триатлон Федерацијата на Македонија, под покровителство на Агенцијата за млади и спорт, а домаќин на овој броен спортски настан е општина Дојран.
Меѓу триатлон елитата на Македонија, учество зедоа и четворица гевгеличани, кои се пласираа на високите позиции од 5-то до 9-то место.
Триатлонот опфаќа три спортски дисциплини: се пливаше 800 метри во водите на Дојранското езеро, се возеше велосипедска стаза од 20 километри и се трчаше делница од 5 километри.
Нашите претставници од југот, членови на АК „7 Ноември“ иако атлетичари, го прифатија предизвикот за натпревар со спортските триатлонци од Македонија, и ги постигнаа овие резултати:
1. Влатко Семенаков, категорија „Мастер 2“ – време 1:20:28 – освоено 5то место;
2. Дарко Прошев, категорија „Мастер 2“ – време 1:29:43 – освоено 9-то место
3. Даниел Анчев – сениори – време 1:29:20 – освоено 8-мо место во сениори
4 Коста Гелебешев (настапи самостојно) – време 1:24:23 – освоено 7-мо место
Спортскиот настан продолжува и утре од 8:00 часот со трки за деца. Попладнето е предвидено доделување медали за најдобрите.
Топлото време не беше многу голема пречка за спортистите, но разбрануваното Дојранско езеро, уште од вчера, ја отежна првата дисциплина за натпреварувачите во триатлон. Дарко Прошев се пожали на повредено рамо, но ја издржа целата делница во сите три дисциплини, за да ја докажат спортистите од југот својата спортска спремност и прилагодливост и на нови дисциплини.
Националното првенство годинава собра близу 200 учесници од сите категории и беше спортски настан за најужното туристичко место кај нас во Македонија. На него учествуваа освен членови на триатлон клубови и спортски ентузијасти и слободни спортски мераклии кои сакаат да ги испробат своите сили.
Ете, спортистите од југот претркаа некои од клубските триатлонци и ги завзедоа високите позиции од 5то до 9-то место.
Браво за сите учесници, браво за спортистите од Југот!
