Премиерот Димитар Ковачевски денеска во посета на општина Дојран најави санација на колекторискиот систем и изградба на нова пречистителна станица во Дојран
Тој на денешните средби со граѓаните на Дојран, заедно со градоначалникот Анго Ангов имаше прилика да поразговара со нив за повеќе прашања кои ги засегаат, меѓу кои и санацијата на колекторскиот систем и нова пречистителна станица.
– „На мое задоволство, Владата заедно со локалната самоуправа предводена од СДСМ го реши овој децениски проблем. Обезбедивме средства, меѓу кои 135 милиони денари директно од Владата, и на тој начин нашата грижа за Дојранското езеро ја покажавме и на дело. Хидро-системот наскоро ќе биде во функција и ќе биде пуштен во употреба“ – изјави Ковачевски.
Тој констатира дека Дојран постојано се развива, а се зголемува и бројот на туристи и устакна дека зЗаедно со градоначалникот Ангов, кој е пример за одговорност и успешна работа на градоначалниците од редовите на СДСМ, ќе работиме уште повеќе за понатамошен развој на општина Дојран на секое поле.
Ангов не го криеше задоволството од посетата на Премиерот Ковачевски која значи директна поддршка на Владата во решавањето на деценискиот горлив проблем на општина Дојран, заштитата на езерото и комуналната хигиена.
– „По четврт век, нашата општина конечно добива соодветна пречистителна станица и колекторски систем за третман на отпадните води.
Се чувствуваме горди и задоволни што општина Дојран, заедно со финансиски средства обезбедени од Владата на Р.С.Македонија, но и со средства обезбедени од Р. Словенија, успеа да изнајде решение за изградба на оваа важна инфраструктура. Со овој зафат кој е од непроценлива важност за општината, конечно ќе го решиме долгогодишниот проблем и ќе го заштитиме нашиот бисер, Дојранското Езеро“ – изјави градоначалникот на Дојран, Анго Ангов.
Тој потенираше дека Општината останува на ставот дека чистата животна средина, добросостојбата на Дојранското Езеро, односно генерално на природата, здравјето на граѓаните и напредокот на општина Дојран се врвни приоритети во нивното работење.
– „Оваа инвестиција ќе донесе бенефит на секој жител од општината, одлична вест е и што трендот на развој на Дојран го следат и останати инвестиции и проекти од инфраструктурно значење.
Со упорна работа и верба во подобро утре, испишуваме светла иднина за нашиот Дојран!“ – потенцираше градоначалникот Ангов.
