Научниците Каталина Карико и Дру Вајсман од Унгарија и САД ја добија Нобеловата награда за физиологија и медицина за откритијата што овозможија развој на мРНА вакцина против ковид-19, објави во понеделникот Нобеловиот комитет.
Наградата, меѓу најпрестижните во научниот свет, ја избра Нобеловиот комитет на шведскиот медицински универзитет Каролинска институт, а вклучува 11 милиони шведски круни (околу 950 илјади евра).
„Нобеловата награда за физиологија и медицина за 2023 година им беше доделена на Каталина Карико и Дру Вајсман за нивните откритија во врска со модификациите на нуклеозидните бази што овозможија развој на ефективни мРНА вакцини против ковид-19“, објави комитетот.
BREAKING NEWS
The 2023 #NobelPrize in Physiology or Medicine has been awarded to Katalin Karikó and Drew Weissman for their discoveries concerning nucleoside base modifications that enabled the development of effective mRNA vaccines against COVID-19. pic.twitter.com/Y62uJDlNMj— The Nobel Prize (@NobelPrize) October 2, 2023
Минатогодишната награда за медицина му припадна на Швеѓанецот Сванте Паабо за секвенционирање на геном на неандерталец, изумрен роднина на денешниот човек, и за откривање на досега непознат човечки роднина, Денисовците.
„Преку нивните револуционерни откритија, овогодинешните лауреати фундаментално го променија нашето разбирање за тоа како мРНА комуницира со нашиот имунолошки систем. Тие придонесоа за невидена стапка на развој на вакцините за време на една од најголемите закани за човековото здравје во модерното време“, објави Нобеловиот комитет при Институтот Каролинска во Стокхолм.
Кратка Видео приказна за работата на на двајцата научници, од денеска Нобеловси:
