Каратисти медалисти – еден златен, два сребрени и два бронзени медали е „жетвата“ што ја направија младите каратисти од Карате клуб „Дојран“ на турнирот во Романија.
На 20-от Карате турнирот „Bucharest Contact Open“ учествуваат осуммина членови од Дојранскиот карате клуб. Освоените пет медали се достигнувања во борбите што ги имаа првиот ден од турнирот.
Турнирот се одржува денес и утре во Букурешт, Романија. На истиот учествуваат 1.500 учесници, 900 каратисти од 69 карате клубови регистрирани во пет држави, учеснички на турнирот, и тоа Бугарија, Србија, Македонија, Молдавија и Романија.
Ова е WKF турнир за сите категории, сениори, кадети и јуниори. Натпреварите се одвиваат во во спортската сала „Sala Apollo Bobocica“ во Букурешт во категориите: Kumite WKF за напредни и почетници, Kata за напредни и почетници, Kumite Shobu Ippon, Makiwara и Play- Game/ Speed Race за деца.
Младите каратисти од Дојран ги предводи Лилиана Упчева, нивна тренерка и менторка.
Турнирот уште трае, а настроените мали спортисти од Југот на Македонија ги чекаат уште борби, па очекуваат и уште медали.
Да им посакаме среќа и добри спортски потези вредни за нови трофеи!
