Мобилен тим при Секторот за контрола и истраги спречи нелегален влез на шест мигранти со потекло од Ирак при контрола на товарно моторно возило на влез на Граничниот премин „Богородица“. Притоа поради оштетување на царинските обележја запленета е и стоката и товарното моторно возило во коешто се криеле мигрантите.
Случајот е откриен откако инспектори од Одделението за оперативни работи при селекција за детален преглед на возилото забележаа преправки во фабричката надворешна конструкција на возилото, со што се овозможува вадење на сајлата и отворање на церадата без да се оштети царинската пломба. Станува збор за товарно моторно возило со грчки регистарски таблички управувано од грчки државјанин.
Related posts
Со отворање на церадата во товарниот дел меѓу стоката која се превезувала се откриени шесте мигранти, при што истите се предадени на Министерството за внатрешни работи.
Стоката или вкупно 23 тона компот од праски, влекачот и полуприколката со вкупна вредност од 2,3 милиони денари привремено се одземени. До Основниот суд во Гевгелија поднесени се и соодветни прекршочни постапки поради прекршување на член 267 и 269 од Царинскиот закон.
Со отворањето на церадата, додаваат од Царинската управа, во товарниот дел меѓу стоката која се превезувала се откриени шесте мигранти.
– „Стоката или вкупно 23 тони компот од праски, влекачот и полуприколката со вкупна вредност од 2,3 милиони денари привремено се одземени. До Основниот суд во Гевгелија се поднесени и соодветни прекршочни постапки поради прекршување на член 267 и 269 од Царинскиот закон“, – се вели во соопштението од Царинската управа.
Оттаму додаваат дека шесте мигранти се предадени на Министерството за внатрешни работи.
