Потпишани договори од големо значење за општина Дојран во вредност од 16.000.000 денари, денеска на свечена седница на Владата на РСМ каде имплементатори се општина Дојран и владините тела Бирото за регионален развој и Центарот за развој на југоисточен плански регион.
Одобрени се финансиски средства за два проекти кои ќе се имплементираат во општина Дојран: “Воведување на нови услуги за одрлжив развој на општина Дојран” и “Дојран-медитерански бисер во југоистокот”.
Поголема финансиска ставка е одвоена за проектот “Дојран-медитерански бисер во југоистокот” за кој се обезбеденит околу 8.000.000 денари директно од буџетот на Владата, а 2.000.000 денари се сопствено учество на општина Дојран. Проектот се однесува на реконструкција на постоечката пешачка и велосипедска патека во должина од 5 километри, расчистување на бујната вегетација околу нејзе, поставување нова урбана опрема и нејзино целосно обележување.
За имплементација на вториот проект “Воведување на нови услуги за одрлжив развој на општина Дојран” обезбедени се 4.000.000 денари преку Бирото за регионален развој, а остатокот од 2.000.000 денари е сопствено учество на општина Дојран.
Со проектот ќе биде набавено ново возило со кое ќе се подобрат комуналните услуги и одржливоста на веќе постоечките патеки и објекти.
Градоначалникот кој е потписник на Договорите и имплементатор на проектите во општина Дојран вели дека заедно со претходно обезбедените проекти од Владата кои се во тек, а некои во фаза на подготовка за реализација, до сега Владата на РСМ одобрила средства во износ од 235.000.000 денари за развојот на општина Дојран, за што искажа посебна благодарност.
– „Со овие проекти, проектите коишто претходно се обезбедени, како што се изградба на нова пречистителна станица, санација на колекторскиот систем, изградба на канализациона мрежа во с.Црничани, изградба на две мини пречистителни станици во с.Црничани и с.Фурка, изградба на локалните патишта во с.Фурка, с.Црничани, с.Николиќ и Стар Дојран и други помали проекти, директното учество на Владата во развојот на општина Дојран само во овој период е над 235.000.000 денари. Огромна благодарност за оваа несебична поддршка која Дојран ја заслужува“ – изјави во оваа прилика градоначалникот Ангов.
