Спортски ентузијасти од Стојаково организираат предновогодишен турнир во мал фудбал “Стојаково 2023/24”, со цел да се раздвижи спортската атмосфера на југот.
Во тек се пријавувањата за турнирот кои траат до недела 10 декември до 17:00 часот, а спортскиот настан ќе започне следниот вторник, на 12 декември.
Предвидено е 20 дневна спортска фешта во Стојаково, со тоа што малофудбалските дуели ќе се изведуваат од 12 декември до 5 јануари 2024 кога треба да се одигра финалето на турнирот “Стојаково 2023/24”.
Освен сениорите, на турнирот се добредојдени и јуниорите кои може да бидат од генерациите 2011/12 и 2013/14.
Претходно, во неделата (10.12.2023), по заклучувањето на листата на пријавени учесници, екипи, ќе се изврши ждребувањето кое ќе се изведе јавно, истиот ден во 18:00 часот.
Почеток на турнирот е на 12 декември во 18:00 во спортската сала “Стефан Мандалов-Манданата”. Ете, нашиот илинденец ќе биде спортска закрила и потстрек на сите фудбалски ентузијасти од Стојаково и околината.
Ќе се игра по системот 5 + 1 со футсал топка,. Организаторот најавува дека секоја вечер ќе биде организирана томбола и награди за публиката.
Наградниот фонд на турнирот изнесува 240.000 денари и ќе биде распределен спрема освоеното место, и тоа :
– 120.000 ден. за ПРВО место
– 70.000 ден. за Второ место
– 40.000 за Трето место и,
– 10.000 денари за Четврто освоено место а турнирот.
Организаторот предвидува и награда за прогласениот најдобар играч на турнирот и најдобар голман.
Ќе се игра по системот 5 + 1 со футсал топка.
Освен бројни спортски натпревари и навивања за целовечерна забава на публиката организаторот најавува дека ќе биде организирана томбола секоја вечер со посебни награди за публиката.
Ако сте заинтересирани пријавите за учество одат на тел.бр. 075/814-496 и 070/508-366.
