Нашата Каролина Гочева вчера (13.12.2023) премиерно го објави видео спотот за песната „Дај на сунце“ на нејзиниот YouTube канал, а од денеска песната е достапна и на сите стриминг платформи.
Музиката и текстот на песната се на Дино Мухаремовиќ, а спотот е во режија на Миомир Милиќ.
Станува збор за нова емотивна балада, за која е снимен спот во црно-бела верзија.
Помалку од еден час откако беше објавен спотот, а веќе собра 13 илјади прегледи и лајкови.
Во коментарите се нижат голем број пофални зборови, упатени до нашата пејачка и нејзината најнова песна, како од Македонија така и од публиката во регионот.
– „Публиката ми ги сака тажните љубовни песни“ вели Каролина за новата балада.
„Магична како и секогаш“ – стои во дел од коментарите под новиот видео спот на Каролина Гочева за песната „Дај на сунце“. Слушнете ја новата песна, што се очекува да стане вистински хит и кај нас, но и во регионот.
Инаку, песната „Дај на сунце“ вчера премиерно во 12 часот беше пуштена на српското „Накси“ радио, а Каролина за нив изјави дека станува збор за песна во која е вложено многу љубов.
Новите сингл и спот се наменети за регионалниот пазар, а песната ја работеа познати музичари.
