Американскиот бизнисмен Илон Маск е на пат да стане првиот трилионер во светот до 2027 година, се вели во новиот извештај за глобалното богатство.
Имено, 53-годишниот „Г-дин Тесла“, американски бизнисмен, со јужноафриканско потекло, Илон Маск моментално е најбогатиот човек на светот, со нето богатство од 251 милијарда долари (226 милијарди евра), според индексот на милијардери на Блумберг.
според наодите на Informa Connect Academy, неговото богатство расте со просечна стапка од 110 проценти годишно. Тоа значи дека, под услов неговото богатство да продолжи да расте со иста брзина, тој би можел да стане трилионер во следните три години, пренесува Index.hr.
Извештајот, насловен Клубот од трилиони долари за 2024 година, го нагласува брзото проширување на богатството на Маск. Неговите потфати во електрични возила, истражување на вселената и дигитални платформи го доведоа неговиот финансиски раст на невидени нивоа.
Компанијата на Маск „Тесла“ има пазарна вредност од 669,3 милијарди долари (603 милијарди евра). Пазарната вредност на Tesla расте за 173,3 отсто годишно, што значи дека компанијата би можела да ја пробие границата од трилиони долари веќе следната година.
Двете највредни компании ја пробија границата од трилиони долари пред неколку години. Microsoft вреди 3,4 милијарди долари (3,1 милијарди евра), а Apple вреди 3,3 милијарди долари (3 милијарди евра).
Другите бизниси на Маск вклучуваат производител на вселенски летала „Space-X“, невротехнолошка компанија „Neuralink“, социјалната платформа „Х“ (поранешен „Твитер“) и компанија за изградба на тунели „The Boring Company“.
