Музичко-литературниот настан „Изворник“ што се одржа синоќа ги собра на сцената на Народниот театар новите млади таленти од Гевгелија.
Со свои настапи се претставија членовите на литературната, драмската, ликовната секција при Домот на културата во Гевгелија како и учениците од школата за тапани. Сите 30 учесника имаа свои моменти на сцената, самостојно или во група и пријатно ја изненадија публиката за тоа што тие работат при секциите и колку науиле до сега.
Ѕвезда на вечерта беше петгодишниот Димитар Трајков од Гевгелија, ученик во Школата за тапани кој со својата изведба „Drum cover – GNR-Paradise city“ предизвика овации кај публиката. Погледнете и слушнете.
Драмската секција за деца, Ликовната секција и Школата за тапани имаа импресивни настапи, рецитираа современа и модерна македонска поезија, ликовно се изразија и продуцираа звуци од тапаните на позадина од рок и поп- странска и домашна музика под менторство на Катица Џишева Дупарова, м-р Александар Јанев и Момчило Делев.
