Хуманитарната Новогодишна акција на Црвен крст Гевгелија насловена „Волшебната куќа на желбите“ стартуваше од вчера и веќе ги прими првите Новогодишни желби на најмалите гевгеличани.
Малите рачиња ги ставија нивните желби напишани во плик во поштенското сандаче кое пред да отиде до Дедо Мраз ќе ги прочитаат волонтерите на Црвен крст Гевгелија и тие ќе побараат локален донатор кој ќе ја превземе улогата на хуманитарен Дедо Мраз за малите жители на Гевгелија.
Волшебната куќичка на желбите е отворена и денеска во периодот од 17 до 20 часот лоцирана е на плоштад „Фонтана“ во Гевгелија.
Вие можете да ја посетите куќичката, а таму ќе Ве дочекаат љубезните волонтери на Црвениот крст Гевгелија кои ќе се потрудат заедно со хуманитарната организација да ги остварат желбите на најмалите.
Волшепствотое почнува од срцето: Мисли убаво, прави убаво, ќе дочекаш убаво.
А, Вие со убава мисла можете и поладнево да ја посетите светлечки украсената куќа на волшеоството која ги исполнува најискрените Новогодишни желби на малите дечиња.
Празници идат, а секое дете треба да биде СРЕЌНО!
Еве каква беше посетеноста на првиот ден пред „Волшебната куќа на желбите“ која стартуваше со отворени пенџери и отворен прием на сите напишани и сакани детски желби.
Фото: ЦК Гевгелија
