Македонија денеска со гордост го одбележува денот на раѓањето на својот најистакнат син, учител, визионер, револуционер, Гоце Делчев, роден на 4 февруари 1872 година, пред точно 152 години.
Бројни делегации од државните институции, органи, тела, Министерства, Претседателот на државта, денеска се поклонија пред неговиот гроб во дворот на Црквата „Свети Спас“ во Скопје каде почиваат моштите на Делчев.
Во Гевгелија единствена биста истакната за почит и чествување на овој великан има во дворот на Подрачното основно училиште во Богородица што го носи името на овој македонски учител и македонски визионер Гоце Делечев.
По тој повод делегација на ОО на СДСМ од Гевгелија денеска го посети спомен обележјето и со наклон и букет цвеќе присутните му оддадоа почит на македонскиот великан Делчев.
Гоце Делчев се залагаше за самостоен развој на Движењето и за организирање на македонските маси, без оглед на верата и националната припадност. Ослободувањето на Македонија го гледаше како нејзина внатрешна работа.
“Не може да се надеваме на туѓа помош, да не чекаме помош од Бугарија, ни од која било друга сила, туку треба да се подготвиме од внатре – во душата на секој селанец да се проникне таа идеја” – велеше тој.
Беше убиен на 4 мај 1903 во с. Баница на 31 годишна возраст!
Нека му е вечна слава!
Општина Гевгелија, партијата која е мнозински партиципиент во локалната власт и другите партии присутни во Советот на општина Гевгелија останаа без одбележувања на овој значаен ден, раѓањето на револуционерот кој ја трасираше македонската борба за самостојна држава и самобитност.
Чествување е закажано утре во библитеката „Гоце Делчев“ во Гевгелија, чиј патрон денес одбележува 152 години од раѓањето, но одбележувањето ќе доцни еден ден како и минатата година. Утре, понеделник ќе се организира читање на творби од страна на ученици од СОУ „Ј.Јосифовски“ од Гевгелија.
Значи, за гевгелиските функционери, за гевгелиските локални институции и установи со патронство на големиот визионер, учител и деец Гоце Делчев, денеска е недела, „почивен ден“ што би рекле нашите источни соседи кои годинава ги изоставија инцидентите во одбележувањето на роденденот на Делчев..
Денеска 152 роденден на Делчев се слави во црквата „Свети Спас“ во Скопје со бројни почести од бројни делегации. Делата и аманетот за слободна и самобитна Македонија на великанот Гоце Делчев не се заборавени.
