Денеска во просториите на хотел „Фламинго“ во Гевгелија се одржа третата по ред крводарителска акција која ја организираат Црвениот крст од Гевгелија во соработка со општествено одговорната компанија „Фламинго“ и Одделот за трансфузиологија.
Во периодо од 10 до 16 часот на акцијата учествуваа 83 доброволни крводарители кои даруваа исто толку крвни единици потребни за спас на нечиј живот.
Освен вработените, организаторите ги поканија и граѓаните да се придружат на хуманата мисија во крводарувањето и да го направат тој доброволен чин на крводарување во рамките на денешната акција. Оваа отореност, соживот споделен со добрина и хуманост вроди со плод, па одзивот на крводарителните акции во „Фламинго“ од година во година расте. На првата акција организирана во 2022 година беа донирани 56 крвни единици, следната 2023 година 73 крвни единици и годинава 2024 донирани се 83 крвни единици. Тоа покажува нагорен тренд на доброволни крводарители кои за две години речиси бројно се дуплираа.
Ова покажува добар старт на крводарителството во организација на ЦК Гевгелија за тековната 2024 година. Во првата акција организирана во јануари беа собрани 44 крвни единици, или се’ вкупно до сека 127 кр.ед.
Со ваков одзив Гевгелија го оправдува организационото мото на акциите „Крвта да го чека болниот, а не болниот крвта!“
Честитки до крводарителите и организаторите.
