На четири денови пред официјалниот почеток на детскиот фестивал „Калинка“ денеска беше изведена претстава за децата од училиштата од Гевгелија и регионот.
Големата сала на Народниот театар во Гевгелија беше исполнета со дечиња – гавната публика на фестивалските збиднувања со возобновениот детски фестивал. Публиката уживаше, а за да ги научат и тие песничките ќе ги слушнат уште многу пати благодарение на музичката и касетна продукција која е во подготовка..
А како звучеа новите музички „калинки“ на сцената, слушнете од видеото:
Инаку, официјалното фестивалско издание е закажано за 2, 3 и 4 јуни во Народниот театар Гевгелија, кое ќе биде проследено со видео запис од Македонската Радио Телевизија.
Целата сала е украсена со детски цртежи на тема „Калинка“ како резултат на бројните добиени трудови од децата кои се јавија на уметничкиот конкурс за ДФ „калинка“.
Предпретставите за деца од училиштата и градинките ќе се организираат групно со образовните институции и следните два дена.
Повелете – Распеаните калинки Ве чекаат со песна!
