Во септември се навршува годишнина од подвигот на РЕНО јунаците Ѓорги Николов и Џоко Шуклев кои се вратија со ДВЕ освоени награди од авто-саем во Италија за својот полувековен олд тајмер „Рено 4“ со кој само во три авто-авантури извозеа 30.900 километри.
На 22 септември 2025 Ѓорги Николов и Џоко Шуклев заедно со нивниот тогаш, 47 годишен олт тајмер „Рено 4“, на Генерален Рено саем во Тоскана, Италија останаа забележителни и влегоа во изборот на ТОП 5 возила од марката „РЕНО“.
Тие на вториот натпреварувачи ден во Тоскана освоија ДВЕ НАГРАДИ:
– Награда за НАЈСМЕЛ ЕКИПАЖ и
– Награда за ЕКИПАЖ со НАЈМНОГУ ИЗВОЗЕНИ КИЛОМЕТРИ со полувековен автомобил „Рено 4“ низ патиштата во Светот.
Авантурите на Ѓорги Никлов и Џоко Шуклев датираат од 2018 година кога возеа од Стојаково до Ница Франција (релација долга 4.500 км), следната година 2019 возеа од Стојаково до Пекинг, Кина 23.000 километри и минатата година во Тоскана, Италија уште 3.400 километри. Тоа се вкупно извозени 30.900 километри со „Рено 4“ произведено во 1978 година, 30.900 километри „Рено-авантура“.
Наградите се голем поттик за двајцата пасионирани возачи и љубители на Рено, на нивните авантури по патиштата и посветената љубов кон одржување на својот полувековен автомиленик од Рено.
Годинава немаат нова авантура, но може да ги теши фактот дека уште никој друг не го надминал нивниот троен рекорд – ТРИ освоени награди на саемот во Тоскана, ТРИ големи авто-авантури до Ница, Пекинг и Тоскана со авто-миленикот кој го сервисираат, негуваат, чуват и возат скоро половина век.
Ѓорги и Џоко се двајца колеги, сограѓани, другари по љубовта кон автомобилите и заеднички ја остваруваат својата авто пасија, да сјаат и возат по патиштата со автомобилска историја стара половина век и да докажат дека не е се во убавината, туку и во истрајноста, одржувањето, перфектната мајсторија на старите производители од минатиот век.
Ова е нов век, нови модели, нова механизација, електроника, автоматика, но возилото од минатото во рацете на двајцата пасионирани возачи и мајстори Ѓорги и Џоко преде како маче по патиштата, и сјае на сонцето како насмевките на Ѓорги и Џоко додека го возат задоволно.
Среќен пат на двајцата Рено-јунаци и да им најавиме дека очекуваме нова авантура!
