Фудбалскиот клуб „“Шкупи одлучи да го повлече дресот со број 77 кој го носеше Андреј Лазаров, а целиот негов договор ќе го исплати на семејството.
Андреј Лазаров беше еден од починатите во големата трагедија во Кочани, тој се задуши обидувајќи се да спаси колку што е можно повеќе животи.
Фудбалскиот клуб на Шкупи реши да го повлече дресот со број 77 кој го носеше Лазаров, а докрај ќе го испочитува неговиот договор.
Парите од договорот ќе бидат префрлени на неговото семејство.
- „ФК Шкупи донесе одлука да го повлече од употреба бројот 77, кој го носеше Андреј Лазаров сè до неговото прерано заминување од овој свет. Ова е еден мал гест од наша страна, во знак на почит и благодарност за неговиот придонес во клубот. Исто така, клубот одлучи неговото семејство да ги добива платите според договорот што Лазаров го имаше со ФК Шкупи. Андреј Лазаров засекогаш ќе остане дел од историјата на ФК Шкупи, а овие одлуки донесени од раководството се мал знак на почит за оддавање чест на неговото сеќавање“, објави Шкупи.
Ваков гест на почит искажаа и од редовите на фудбалскиот клуб „Тиквеш“ пред 4 дена, кога информираа дека го повлекуваат дресот со број 16 со кој во овој клуб играше Андреј Лазаров.
Фудбалерот Андреј Лазаров беше една од жртвите во трагедијата во Кочани, а животот го загуби како фудбалер на „Шкупи“, но во минатото неколку сезони помина и во клубот од Кавадарци каде што остави трага.
– „Во чест и знак на благодарност за АНДРЕЈ ЛАЗАРОВ, фудбалер и голем херој кој со своите настапи многу придонесе за успесите на нашиот клуб, дресот со бројот кој тој го носеше во ГФК Тиквеш, трајно се повлекува од употреба и ќе остане како траен белег да ги краси клупските простории за негов вечен спомен. Ангелите живеат вечно. Збогум Андреј“, објави ФК „Тиквеш“.
