Одбележана 119 годишнината од загинувањето на гевгелискиот револуционер, Војвода, инспиратор на партизаните од Гевгелија и гевгелиско.
На денешен ден 1 март 1905 година загина познатиот гевгелиски Војвода Сава Михајлов – Савата во костец со Османлискиот аскер.
Имал само 28 години, а со својот револуционерен порив, борбеност, учество во борбата против османлиското ропство, учесник во грабнувањето на американската мисионерка Мис Стон, станува бестрашен водач на македонската револуционерна кауза, Војвода и инспиратор на партизаните од Гевгелија и гевгелиско кои го нарекле Првиот партизански одред од Гевгелија формиран 1943 година на Кожуф планина по неговото име.
Денеска на овој дожлив ден гевгеличани не заборавија да му оддадат почит на гевгелискиот учител, борец, војводa и инспиратор.
Во организација на СЗБ од НОБ за Гевгелија денеска делегации од општествено-политички и граѓански организации положија свежо цвеќе пред споменикот на Сава Михајлов во Гевгелија.
Цвеќе за благодарност за неговата беспоштедна борба и положен живот, стамен наклон за заслугите и незаборавот и вековната инспирација на новите генерации борци за слобода и независност од наметнати туѓи странски поробувачи и асимилатори.
Обраќање до присутните имаше секретарот на Општинската организација на борците и припадниците од НОБ од Гевгелија и нивните и поддржувачи, Ангел Алчинов, а пригодна Беседа за Војводата за неговиот живот и револуционерно дело одржа професорот по историја Миле Смилков. Сеќавањата за Савата се изведоа пред платото на Народниот театар во Гевгелија.
Слава ти Војводо!
