Најголемиот капитален објект изграден во последните 50 години во општина Гевгелија денеска имаше своја свечена завршница со присуство на највисокиот државен врв и претседателот на државата Стево Пендаровски.
– Историски ден! За Владата, за државата, за земјоделството, за граѓаните!
Браната Конско е целосно изградена! Најголемиот водостопански објект изграден во државава последниве 20 години, и најголем капитален проект во последниве 50 години во гевгелискиот регион“ – со вакво добредојде денеска беа поздравени гостите кои присуствуваа на свечената завршница на проектот за изградба на Конска брана сместена во пазувите на Кожуф планина, гевгелиско.
Проектот е вредеа над 40 милиони евра финансирани директно од буџетот на Министерство за земјоделство, шумарство и водостопанство во период од 6 години, 2018-2024.
Браната Конско подразбира нов вештачка акумулација и нов систем за наводнување со кој се опфатени минимум 6.500 хектари земјоделски површини, со што наводнуваните земјоделски површини од овој регион ќе бидат зголемени за пет пати.
Освен тоа браната добива нова дополнителна вредност, со грант од Кралството Шпанија, овде за прв пат ќе бидат инсталирани пловечки фотоволтаици со што ќе се намали цената на водата за наводнување, а ќе се зголеми енергетската независност.
Планирани се и две мали хидроцентрали, ова е единствениот водостопански објект кој веднаш по завршувањето на браната започнува и со градба на хидросистеми за наводнување.
– „Не смее да има изговори за нашите ниви да останат неизорани и непосеени. Секоја педа од нашата плодна, дарежлива македонска земја треба да се искористи” – истакна денеска претседателот Пендаровски при посетата на “Конска брана” во Гевгелија и свечената завршница на проектот и градежните работи.
Изведувач на работите беше турската компанија „СЕРКА ТААХХУТ“ Ан.Шир. од Турција. Од името на компанијата со задоволство за завршената работа и пораки за добробит на населението кое ќе го користи завршениот проект „Конска брана“ се обрати директорот на компанијата Адали.
Поранешниот премиер Димитар Ковачевски истакнувајќи ја важноста на проектот нагласи дека ова е доказот: СДСМ гради и ги завршува проектите. Конска брана започна да а гради мојот другар Зоки, а еве денеска го завршуваме проектот, за доброто на граѓаните, за доброто на државата“.
– „Честитки до сите, изградивме капитален проект. Браната Конско ќе биде запишана во историските документи, и ќе биде сведок на едно време во кое приоритетите биле државнички, за доброто на граѓаните, и за иднината на сите нови генерации кои ќе ги живеат благодетите на она што ние градиме денес“ истакна министерот за земјоделство, шумарство и водостопанство Љупчо Николовски.
Related posts
