Христос Воскресе! Навистина Воскресе!
Да си жива и здрава Гевгелијо многу години!
Со овој поздрав синоќа на полноќ архиерејот од Гевгелиската православна црква „Св. Кирил и Методиј“ во Гевгелија ја пролеа низ народот радосната вест на Христовото воскресение.
Многубројниот народ отпоздрави со Навистина Воскресе! Веста се пролеа заедно со звукот на камбаните, со запалени свеќи, со црвени бојадисани јајца со кои верниците и приврзаниците на верата ја прославуваа победата на Христа и го славеа животот.
ХРИСТОС ВОСКРЕСЕ !
Со радосниот восклик за славното воскресение на Христос денес на полноќ биеја камбаните во сите христијански храмови. Се шират благородните зборови со кои ни се открива љубовта Божја кон човечкиот род. Повикани сме да ја благовестиме победата над смртта и да се трудиме да придонесеме да надвладее праведноста, мирот и радоста.
Видеот што следува е дел од вечерашната свечената црковна процесија во манастирот “Св. Марија Магдалена” во Стар Дојран
