На одржаниот „MILENIUM CUP XX“ во Србија малите фудбалери од ФК „Џокер“ од Фурка остварија висок резултат – освоија два подиума за ТРЕТО место и три награди-трофеи за најдобар стрелец и голман.
Подиум за ТРЕТО место освоија децата фудбалери генерација U-10 и U-8.
Во првите одиграни натпревари и двете категории завршија на прво место во своите групи, а во полуфиналните натпревари среќата беше на страната на противниците. Во категоријата U-8 пласманот за финале го изгубија во рулетот со пенали во полуфинале, додека поголемата категорија U-10 завршија со резултат 2:1, со примен гол во последните минути од натпреварот.
Носителите на освоените три поединечни трофеи се:
1. Филип Дучков – најдобар стрелец во категорија U10,
2. Керем Сулиман – најдобар стрелец во категорија U8 и,
3. Дарио Мингов – најдобар голман во U8
Наградите им беа доделени од познатиот српски актер и водителот Милан Калиниќ.
Спортските трофеисти од Фурка заедно со својот тренер престојот во Србија го искористија за прошетки низ Белград како и посета на стадионите на ФК „Партизан“ и ФК „Црвена Звезда“.
Честитки за малите трофеисти од ФК „Џокер“!
