КРСТЕ КОВАЧЕВ е ученик од III-7 клас при СОУ „Јосиф Јосифовски“ од Гевгелија и е Државен и Регионален првак по Машинство – Mашински техничар за моторни возила.
На одржаниот Државен натпревар на стручните училишта од сектор Mашинство – Mашински техничар за моторни возила, чиј домаќин беше СОУ „Богданци“ од Богданци, Крсте го освои ПРВОТО место во конкуренција од 12 ученика, кои од одржаните регионални натпревари по машинство се пласираа за настап на Државниот натпревар.
Претходно Крсте освои исто така ПРВО место на Регионалниот натпревар од секторот Машинство.
Двојниот првак ги обожува автомобилите. Еве го внесен во својата натпреварувачка задача. Ќе се сложите за неговиот сериозен пристап во проблематиката, а некогаш можеби и ќе му ја доверите дијагнозата за проблемот на Вашиот автомобил.
Ученикот Ковачев работеше под менторство на својот професор Шапкаров Иван.
Честитки и да му се множат наградите, па можеби освен автосервисер, ќе може да стане и автомобилски конструктор и да го реализира својот сон во машинството и техниката!
