Пред 33 година, на 8 септември 1991 година, по пат на референдум, македонските граѓани со мнозинство гласови од 96,46% изгласаа самостојна, суверена и независна Македонија.
На референдумот му претходеше Декларација за независност што првиот повеќепартиски македонски Парламент ја усвои на 25 јануари 1991 година. Формално волјата на народот за самостојна држава беше потврдена со Декларација за прифаќање на референдумските резултати на 18 септември 1991 во Собранието на Република Македонија.
Денот на независноста одекна со сенародна прослава на плоштадот во Скопје.
Во 1993 година Македонија беше примена како 181-ва полноправна членка во асамблеата на Обединетите нации.
Сакана, сончева, слободна Македонија!
Биди ни’ вечна Татковино!
