Основното јавно обвинителство во Скопје ќе покрене постапка против 10 лица осомничени за криумчарење, фалсификување документи, и царинска измама.
Во периодот од 2021 до 2022 година, осомничените со фалсификувани документи и изменети броеви на шасија увезувале автомобили кои биле под меѓународна потрага или за кои се избегнувала царинска контрола.
Откако возилата биле регистрирани во земјата, некои биле препродавани меѓу осомничените за да се прикрие криумчарењето, а потоа биле продавани на крајни купувачи.
Меѓу осомничените се и две службени лица од управни служби за регистрација на возила.
Еден од осомничените, државјанин на Грција, ќе биде процесуиран од грчките органи, со оглед на претходната соработка меѓу обвинителствата на двете земји.
Обвинителството најавува дека истрагата продолжува, со цел целосно расветлување на овој случај на криумчарење и измама.
Акцијата на МВР и ОЈО денеска се спроведуваше со претрес во Скопје, Битола, Неготино, Дојран, Гевгелија, во потрага по криминална група која шверцувала скапи возила од ЕУ.
