Неделниот ден во ПС Гевгелија беше регистрирана една сообраќајна несреќа помеѓу патничко моторно возило и мотоцикл, а едно лице е потешко повредено.
Сообраќајката е пријавена на 16.02.2025 во 20:45 часот во Полициската станица Гевгелија. Било пријавено дека на ул. „7-ми Ноември“ во Гевгелија се случила сообраќајна несреќа помеѓу патничко возило „Фиат Добло“ со велешки регистарски ознаки, управувано од Ж.К.(70), и мотоцикл „Хамачи“ со гевгелиски регистарски ознаки, управуван од И.Ч.(18), двајцата од Гевгелија.
Во несреќата со тешки телесни повреди се здобил мотоциклистот, констатирани во Општата болница Гевгелија.
Извршен бил увид од увидна екипа од ОВР Гевгелија.
