Центарот за поддршка на згрижувачките семејства на СОС Детско село – Скопје овој Меѓународен ден на жената 8 Март, го посветува на рушење на стереотипите, на потребата од отворени разговори и создавање поемпатичен свет.
За таа цел денес во Гевгелија се одржа панел-дискусија на тема “Градење мостови: Жените што создаваат промени”. Акцентот е ставен на згрижувачките семејства на деца кои останале без родителска грижа, за нивниот хуман одговор кон потребата децата да живеат во семејство, да растат со љубов и хармонија во домот.
На панел дискусијата беа отворени прашањата:
🔹 Зошто некои жени заминуваат од семејството? Во општество каде што улогата на жената често се сведува на очекувања и традиции, се зборуваше за причините што ги поттикнуваат некои жени да донесат тешки одлуки.
🔹 Каква поддршка им е потребна за да останат во семејството? Жените носат товар на бројни улоги – мајки, сопруги, ќерки. Каква поддршка им е потребна за да ги исполнат овие улоги без да го изгубат сопствениот идентитет?
🔹 Како жените згрижувачки умеат да дадат љубов и разбирање? Во свет каде што љубовта и топлината не секогаш доаѓа од биолошкото семејство, жените згрижувачки создаваат безбедни средини за децата кои имаат потреба од грижа и љубов.
🔹 Како жените можат да си помагаат меѓусебно, без осуда? Солидарноста и поддршката меѓу жените можат да направат разлика. Ќе отвориме искрен разговор за тоа како можеме да изградиме култура на поддршка, разбирање и емпатија, без осуда.
Панел дискусијата ја водеше Атина Тасевска, стручен соработник во Центарот за поддршка на згрижувачки семејства, Скопје, а беа присутни и претставнички на ЦЗС од Струмица и мајка од семејство згрижувач на 12 годишно дете.
Беа поставени прашања, разменети искуства и нагласена потребата од ширењето на семејството на згрижувачи во државата за потребата децата кои се напуштени од биолошките родители, или родителите го изгубиле правото на старателство поради изречени мерки, судски забраи, нагласена е потребата децета да живеат во семејни средини, а не во колективни домови.
Оваа програма за згрижување на деца без родители беше претставена пред две години во Гевгелија и беше спроведена обука која ја завршија четири семејства. Во моментот во општина Гевгелија функционираат 4-ри згрижувачки семејства, од кои едно општо и три се роднински згрижувачки семејства. На тој начин детето добива семеен прием, љубов и сигурност кај домот на згрижувачите. За овој ангажман семејството згрижувач добива финансиска надокнада од државата за трошоците за агрижување и нормален живот на детето.
Во рамките на југоистичниот регион постојат уште 20 згрижувачки семејства и тоа 10 во Струмица, од кои 2 општи, а 8 роднински згрижувачки семејства. Во општините Валандово и Дојран заедно има уште 10 згрижувачки семејства. Се вкупно четирите општини од Југоисткот Гевгелија, Валандово, Дојран и Струмица имаат 24 згрижувачки семејства и исто толку згрижени деца без грижа од биолошкиот родител.
Присутните на панел дискусијата покажаа интерес за темата и заклучија дека е потребна поголема прмоција на овој тип за згрижување на децата од хумани причини кон младите и од хумани причини на семејствата кои сакаат и се подготвени да пружат љубов и топол дом некому, кому му е неопходно за да порасне и се изгради во здрава индивидуа.
Закажана е и промоција на финансиската поддршка на згрижувачките семејства и кај популацијата невработени во соработка со Центарот за поддршка на згрижувачките семејства и Агенцијата за вработување во Гевгелија.
Настанот се одржа во соработка со Центарот за социјални работи Гевгелија.
