Шкариќ во Топ Тема за евентуални уставни промени дециден: „Бугарите не може да бидат привилегирани во однос на другите малцински заедници“
Во однос на прашањето на внесувањето на Бугарите во македонскиот Устав, професорот по Уставното право, Светомир Шкариќ, во синоќешната „Топ Тема“, изјави дека станува збор за чувствителна тема, за која се води дијалог во лош амбиент.
– „Веројатно другата страна и бара ние да не можеме да го исполниме тој услов (вметнувањето на бугарите во преамбулата на Уставот) за да може да не’ држат во почетна позиција. Сега е прашање дали Македонија има доблест и ум тоа да го сфати и да направи таков чекор кој ќе го отвори патот кон пристапните преговори“ – оцени реномираниот професор по Уставно право Светомир Шкарќ.
Шкариќ изјави дека за него е сосема јасно дека ставот на актуелното бугарско раководство кон Македонија е неприфатлив за нас, но додава дека сега треба да се размисли и да се види како владата ќе го елаборира тоа прашање.
https://www.youtube.com/watch?v=mmJOYLFBSfI
–„Третманот на бугарите не може да биде привилегиран во однос на другите малцински заедници. Ако ги има 3.500 или 3.600 колку што се регистрирани во пописот, нивната присутност во државната структура ќе биде соодветна. Никаква друга привиегија не може да добијат“ – изјави професорот Шкариќ синоќа на Топ Тема на Телма.
Тој јасно го нагласи пожелниот пат за иднината на Македонија:
– “Добро би било да се движиме на патот кон ЕУ со внесување на Уставните промени според пропишаните Уставни озредби.”
На прашањето на новинарката дали со внесувањето на бугарите во Уставот, бугарите велат ќе се докаже тезата “Две држави, еден народ”, Шкариќ одговори:
– „Ако бугарите се вметнат во Преамбулата на Уставот, а македонскиот народ стои на почетокот на преамбулата, а бугарите се внесат како етничко малцинство од бугарскиот народ, со тоа Македонскиот народ ќе се разликува од бугарскиот народ. Ова оди во наш прилог. “
Новинарката го дополни прашањето: “Што добиваат тогаш бугарите со вметнување во преамбулата на Уставот?”
Шкариќ: – „Добија разбирање од ЕУ во однос на човековите права. А, кога ќе се осврнеме на човековите права кај нив, тогаш паѓаат во контрадикторност.
Македонија многу ќе добие со пристапните преговори“ – беше дециден професорот.
Тој истакна дека и Хрватска се соочила со истото прашање за вметнување на етничките малцинства во Уставот. Пред воените дејствија Хрватскиот устав имал вградено 7 етнички малцинства. По етничките војни на тие простори тие во Уставот додале уште 21 етнички малцинства. Дури и Бугарите, Русите и Украинците кои немаат никаква врска во создавањето на државата. Но, тоа го сторија Ги признаа правата на етничките малцинства и сега се дел од Европската Унија. Правата на малцинствата не треба да зависат од нивниот број, објасни Шкаиќ во интервјуто за Телма.
Во Македонија во моментот има регистрирани здруженија на 20 етнички малцинства кои не се споменати во преамбулата на Уставот на државата и се подведуваат под одредницата „и други етники малцинства“.
