При претреси во Гевгелија, Струмица, Валандово, Радовиш полициските службеници пронашле дрога кај 4 лица, заедно со дрогата во домот на 17 годишникот од гевгелиско
На 12.03.2025 во ОВР Гевгелија, во присуство на родител, бранител и социјален работник, бил извршен службен разговор со 17 – годишник од гевгелиско село. При претрес на неговиот дом, извршен со судска наредба, биле пронајдени повеќе пакувања со марихуана, предмети со остатоци од марихуана, семки од растението канабис, две дигитални ваги, два грендери и други предмети. Дополнително, во ОВР Гевгелија бил повикан и братот на малолетникот и со него, исто така, бил извршен службен разговор за потекло на пронајдените предмети.
За настанот бил запознаен јавен обвинител од Основното јавно обвинителство Гевгелија и по документирање на случајот ќе биде поднесен соодветен поднесок.
Претреси вчера и денес се извршени во Струмица, Гевгелија, Валандово, Радовиш, сите општини во надлежност на СВР Струмица, каде припаѓа и ОВР Гевгелија и регистрирани се уште три случаи на пронајдена дрога.
1. На 12.03.2025 во 11:30 часот во Валандово, полициски службеници од СВР Струмица – ОВР Валандово го лишиле од слобода В.З.(49) од Валандово. При претрес во неговиот дом, извршен со судска наредба биле пронајдени марихуана и семки од растението канабис.
2. Вчера, на 12.03.2025 во 07:40 часот во Радовиш, полициски службеници од СВР Струмица-ОВР Радовиш го лишиле од слобода К.К.(35) од Радовиш. При претрес во неговиот дом, извршен со судска наредба, била пронајдена и одземена марихуана.
3. На 12.03.2025 во 06:50 часот во Струмица, полициски службеници од СВР Струмица го лишиле од слобода А.П.(26) од Скопје, со престој во Струмица. При претрес на две локации, кои ги користи во Струмица и во село Ново Село, струмичко, извршени со судски наредби, биле пронајдени повеќе пакувања со марихуана, предмети со остатоци од марихуана, семки од растението канабис, таблета, шприцеви исполнети со црна течност, две дигитални ваги, две дробилки и пари во различни апоени. А.П. бил задржан во Полициската станица Струмица.
За сите четири настани со пронајдена дрога бил запознаен јавен обвинител од Основното јавно обвинителство Струмица и Гевгелија. По целосно документирање за сите 4-ри случаи ќе биде поднесена соодветна пријава.
