Јавна седница на Сојузот на синдикати на Македонија пред Собранието. Упатена порака до пратениците да донесат одлука за зголемување на минималната плата на 500 евра, ако не и функционерите да бидат на минималец
„Не може да има за пратениците, а да нема за работниците!“
Ова е една од пораките што ССМ ги испрати од денешниот протест. Синдикалците бараат минималана плата од 500 евра. Минималната плата од овој месец се зголеми за 1 800 денари, но без да го помине филтерот на Економско-социјалниот совет, што според синдикатот е незаконски.
Инаку Синдикатите одржаа јавна седница среде улица, со три точки на дневниот ред: – Да „не може да има за пратениците а да нема за работниците“; втората точка гласеше „Подадената рака од работникот денес-може да стане стисната тупаница утре“ и, третата точка беше упатена до Владата дека „Не може да се одлучува за работниците без работниците“.
Протестот на ССМ продолжии пред Сојуз на стопански комори.
Демонстрантите пред Владата нагласија дека доколку не се зголеми минималната плата на 500 евра ќе стапат во генерален штрајк во целата држава.
„Првата влада во историја на Македонија која донесе одлука за минимална плата без учество на синдикати, првата влада во историја на Македонија која реши 129 илјади вработени во јавниот сектор да зависат од минимална плата. И Бране не е УПОС туку е УПОЗ со З нит се плашиме нит ќе ви се плашиме ве чекаме да не викнете, ако не сами ќе си дојдеме“, рече Трпе Деаноски- претседател на УПОЗ.
