Четврток, 13 април 2023 работната недела заврши пред претстојниот празник Велигден, но по се’ изгледа не и за криумчарите на мигранти, но за среќа не ниту за полицијата во Гевгелија.
Синоќа, во 22:45 часот на мaгистралниот пат М1, во правец Гевгелија-Скопје, на место викано „Паркинг Милетково“ полициски службеници од Полициска станица Богородица го лишиле од слобода Д.Ѓ.(36) од Струмица, поради постоење основи на сомнение за сторено кривично дело „криумчарење на мигранти“, казниво по чл.418 б ст.4 и кривично дело „фалсификување исправа“, казниво по чл.378 ст.3 во врска со ст.1 од Кривичниот законик.
Тој бил затекнат како прифаќа осум лица мигранти од Сирија во патничко возило „ауди А4“ со винички регистарски ознаки, кои биле од друго возило.
За настанот бил известен Јавен обвинител.
Лицата мигранти се сместени во Прифатно-транзитен центар „Винојуг“ Гевгелија за понатамошна постапка, а пријавениот Д.Ѓ. бил предаден на полициски службеници во Полициска станица Гевгелија и по целосно документирање на случајот ќе биде поднесена соодветна пријава.
