Вчера, четврток, 10 април, во организација на Федерацијата на училишен спорт на Македонија во Велес се одржа зонското натпреварување во Баскет – 3х3.
На истиот учествуваше училишниот машки тим на СОУ „Јосиф Јосифовски“ од Гевгелија и освои ПРВО место.
Со победата над тимот на ДСУ РЦСОО „Коле Неделковски“ од Велес гевгелиските средношколци се пласираа за настап на Регионалниот натпревар во баскет што ќе се одржи годинава.
Во екипата настапија: Давид Кокочев, Јордан Кузманов, Ристе Букршлиев и Лука Чучанов, под менторство на професорот по спорт Влатко Семенаков.
Ова е резултат за очекување, ако споменеме дека училишниот тим во кошарка на СОУ „Јосиф Јосифовски“ од Гевгелија во ноември 2024 оствари победа на Зонски турнир во кошарка за машки. На турнирот кој се одржа во Богданци учествуваа тимови од средните училишта од Гевгелија, Богданци и Велес, кои припаѓаат на зона Велес.
Со победата во кошарка за машки, победата во баскет за машки, победата на девојките од СОУ „Ј.Јосифовски“ во ракомет и кошарка на зонски минатата година училиштето испишува резултати достојни за почит на тамошните професори и ментори за спорт и спортски активности. Сите победници на зонско се учесници на регионални натпревари помеѓу средните училишта во државата во посочените спортови.
Браво за новите победници, Браво момци! Браво за сите вредни млади средношколци спортисти!
