Територијалната противпожарна единица во Гевгелија во текот на месец јули 2025 година имала 31 денови на приправност за акција, а од тоа на терен биле 30 денови заклучно со вчера и изведени се 21 акција за гаснење на пожари на оворен простор.
Последна во низата од 21 регистрирани пожари во текот на јули е вчерашниот пожар во с.Миравци кој ги ангажирал гевгелиските пожари во справување со огнот во периодот од 12 до 16 часот. Овде пожарот настанал на полски простор, опожарена била сува трева, меѓи, овоштарници со јаболка. Причината за настанувањето на пожарот е непозната, а настрадале земјоделски имоти.
Истиот ден, среда во утринските часови изби пожар во атарот на с.Петрово, гевгелиско. Тимот на ТППЕ Гевгелија беше на терен од 04:30 часот до 06:55 часот, во акцијата за гаснење на опожарената сува трева, лозови насади и други земјоделски имоти.
На 27 јули пожар покрај патот Моин – Горничет на два пати ги алармираше за акција гевгелиските пожарникари. Најпрвин беше интервенирано во 16:55 до 18:20 часот, кога пожарникарите се повлекоа во својата базна станица. Присутниот ветар во текот на вчерашниот ден успеа да активира некои згаришта и пожарот да пламне повторно. Екипата на ТППЕ Гевгелија интервенираше по втор пат на истиот пожар во периодот од 20 до 22 часот кога пожарот целосно беше елиминиран.
Пожарот кај с.Николиќ ги ангажиреше гевгелиските пожарникари 10-на дена на терен низ ридиштата во дојранско кој траеше од 7 до 21 јули. Затоа велиме дека од 21 пријавени пожари ТППЕ Гевгелија интервенраше на сите експресно и навремено, но во периот од 30 активни денови на терен поради долготрајноста на акцијата за гаснење на големиот пожар кај Николиќ. Останува значи само еден мирен ден без пожари, денешниот, поради дождот и немање услови за огнена активност на отворено.
Денеска е дожливо, услови за опожарување нема. Да се надеваме дека нашите пожарникари ќе може да здивнат, да соберат сила, освен ако не излезе потреба од некоја техничка, или сообраќајна интервенција за која што ТППЕ Гевгелија е обучена и спремна да помогне.
Мирен Ви ден пожарникари!
Благодариме за посветената грижа за наша безбедност од пожари!
