Граѓаните на Скопје и од други градови на Македонија денеска со протест искажаа почит и жал за изгубениот живот на местото на заѓинатата млада девојка Фросина (22) од Неготино која настрада во сообраќајна несреќа во средата ноќта на пешачки премин на булевар „Партизански одреди“.
– “ВРСКИТЕ НЕ МОЖЕ ДА СПАСАТ ЖИВОТ” беше една од пораките на лицата кои протестираат.
Алкохолизираниот 20 годишен возач Васил Јовановски бил без возачка дозвола, а Судот му одредил мерка во Поправен дом за малолетници во Тетово. Јавноста го зголеми револтот потсетувајќи дека полнолетни лица одговараат целосно кривично пред законот и за такво дело се изрекува затворска казна. Затоа денес граѓаните бараа одговорност, безбедност и ажурност од институциите.
Протестот од Партизанска продолжи пред Собрание по несреќата во која беше прегазена 22-годишната Фросина Кулакова.
Колоната граѓани од „Партизанска“ и пред Собрание се зголеми до случајни минувачи кои се придружија во знак на жалост на невино одземениот живот на младата модна дизајнерка од Неготино, Фросина, која во среда вечерта загина на пешачки премин.
Oвде народот извикуваше: „Сакаме правда! Сакаме правда!“
На плочникот пред Кривичиен Суд беа оставени траги со боја на црвени дланки, со импликација дека на судскиот систем кој го ослободил возачот Васил обвинет за дилање дрога без да остане во притвор до правосилноста на пресудата им се „Крвави“ рацете. Додека бил на слобода, во алкохолизирана состојба, со автомобилот кој го возел со 130 километри на час без да поседува возачка дозвола, ја усмртил на плочникот младата Фросина. Затоа, пред Кривичен суд демонстрантите извикуваа: „Затвор за Васил!“
